Uber mi

Bisch du uf dr Suechi nacheme kreative Gschenk? Einzigartig u vollkomme uf diner Wünsch abgstumme sölls si? De bisch bi mier genau richtig!

 

Mit viil Härzbluet gstalte i dier personalisierti Artikel zum verschenke, Wärbe-/Tombolartikel für di Verein oder eifach so für dier sälber öpis z’gönne. Bi mim viilsitige Sortimänt isch sicher öpis für di derbi. Wenn nid, denn schüch di nid z’frage ob i dis Wunschprodukt cha organisiere.

​

I bi s’Moni, ufgwachse i dr einzigartige Bärgwält vo Eiger, Mönch u Jungfrou. Mittlerwile bini im schöne Bärner Seeland daheime.

Scho sit chliins Meitschi hani geng gärn öpis Kreativs gmacht. Am liebste hani albe Sandchärtli gmacht mitem Muetti.

Im Bruefsläbe isch aber Ziit derfür no gly eis e chlei verlore gange u es het es Raschtli brucht, bis i umi voll u ganz zu mim liebste Hobby ha gfunde. Wo de e Plotter bi mier isch izoge, isch mis Agebot nadisnah grösser worde u i ha gwüsst, dass das mini Zuekunft söll wärde.

Eso isch mini Kreativ Wält im Jahr 2021 entstande. Voller Fröid, mit viil Härzbluet u gfüehlte unändleche Ideeni darf mis Gschäft stetig wachse.

​

Es macht mi sehr glücklech u dankbar we i mit mine Sache anderne Mensche cha e Fröid mache.

I fröie mi vo dier z’köre

Moni